cymraeg | english

Cysylltiadau Cyflym

Polisïau

Gellir lawrlwytho gwybodaeth am bolisïau Coleg Cymunedol YMCA Cymru trwy glicio ar y dolenni ar y dudalen hon.

Mae’r holl bolisïau wedi’u diweddaru ar gyfer blwyddyn academaidd 2011-2012.Siartr y Coleg

Mae nifer o bolisïau yn dal i gael eu datblygu, a bydd fersiynau 2011-2012 o’r rhain ar gael nes y cânt eu diweddaru.

 

Mae’r Coleg yn darparu cyfleoedd addysg mewn canolfannau cymunedol ledled Cymru.

Cynigir rhaglenni astudio ar lefel mynediad a sylfaen. Sail lydan pob dysgu yw galluogi myfyrwyr i feithrin hyder yn eu gallu eu hunain i lwyddo.

• Cael eu trin gyda’r un parch a, lle bo hynny’n bosibl, yn cael mynediad cyfartal i holl ddarpariaeth Coleg Cymunedol YMCA Cymru.
• Cael eu dysgu mewn amgylchedd sy’n ddiogel ac sy’n arwain at ddysgu effeithiol.
• Derbyn gwybodaeth am eu cynnydd mewn modd cefnogol.
• Derbyn manylion am asesiadau ymhell cyn y dyddiadau i gwblhau gwaith.

Mae gan fyfyrwyr hawl i’r canlynol:

• Proses asesu cychwynnol i adnabod anghenion dysgu ac i gydnabod gwybodaeth/sgiliau blaenorol.
• Esboniad o amcanion a chanlyniadau’r cwrs a’r meini prawf asesu.
• Gwasanaeth tiwtora sy’n gyson ag amcanion y cwrs ac â’u gofynion fel unigolion.
• Cyngor ar lwybrau dilyniant.
• Cyngor ar gyrsiau astudio amgen yn y coleg a gan ddarparwyr eraill.
• Mynediad i drefn gwyno agored, deg ac effeithiol.

Bydd y Coleg yn ystyried pob cwyn am ei ddarpariaeth Addysg Bellach.

• Ar faterion yn ymwneud â darpariaeth addysgol dylai’r sawl sy’n cwyno sôn yn y lle cyntaf wrth y tiwtor sy’n gyfrifol am ei gwrs / chwrs. Ar faterion yn ymwneud â lleoliad y cwrs dylai’r sawl sy’n cwyno sôn yn y lle cyntaf wrth Reolwr/wraig y Ganolfan.

• Yn yr achosion uchod, os nad yw’r sawl sy’n cwyno yn fodlon ar y canlyniad dylai gysylltu â Phennaeth Coleg Cymunedol YMCA Cymru dros y ffôn ar (029) 20755444 neu drwy lythyr at Uned 6, Cleeve House, Lambourne Crescent, Llanisien, Caerdydd, CF14 5GP. Cydnabyddir pob cwyn trwy lythyr ac ymchwilir i bob cwyn gan Bennaeth y Coleg mewn ymgynghoriad â Chadeirydd y Corff Llywodraethol. Bydd rhai sy’n cwyno’n derbyn hysbysiad am yr ymchwiliad o fewn 14 diwrnod ar ôl derbyn y cwyn.

• Os yw’r sawl sy’n cwyno yn anfodlon ar y canlyniad, gall gysylltu ag Adran Addysg, Dysgu Gydol Oes a Sgiliau (DELLS) Llywodraeth Cynulliad Cymru trwy lythyr at DELLS, Ffynnon Las, The Orchards, Ilex Close, Llanisien, Caerdydd, CF14 5EZ.

• Yn y pen draw gellir cwyno wrth y Llywydd, mewn Llythyr i Cynulliad Cenedlaethol Cymru, Bae Caerdydd, Caerdydd CF99 1NA.